U tabaccu di Ziu'Ghjattonu

Bonghjornu,

Un socu si u tintu Ziu’ Don Ghjacumu Durazzo, dittu Ghjattonu, Sciccaia ò fumaia…..
Mà, di sicuru, cumpraia u so tabaccu in pacchettuchji squadratti inde Ghjasippina di u tintu Ziu'Pionnu.
Ghjasippina, ghjuvanetta di dicciottu anni, tinia, a l’epica, un picculu cumercciu in’un a carcia di a casa campomoresa di u povaru Sgiò Anton Lisandru.

I pacchetti di tabaccu, i tinia Ghjasippina, n’un balottu di tela di linu più maiò.

-Miau !, O Ghjasippì ! Dami Ghjà un pacchettu di tabaccu….
-Eccu, O Ziu’ Don Ghjà.
-Miau ! O Ghjasippì, un n’hé micca bonnu issu tabaccu ! Miau ! Hé tuttu seccu ! Cambiamilu ghjà !

Ghjasippina piddaia u pacchetu, u mittia n’u balottu di tela, e senza lintalu, bulligaia n’u saccu.
E pò, surtia u listessu pacchettu e u daghjia à Ziu’ Don Ghjacumu.

-Miau ! O Ghjasippì ! Quistu, sì, ch’hé frescu, u tabaccu !

Quantu sò maliziosi issi ghjuvanetti di dicciottanni !