I boia di Zi'Ghjuvan Ghjilormu

Bonasera,

U cunnisciti à Zi'Ghjuvan Ghjilormu Sampieri, chi n'avemu parlatu nanzi.
Eccuci un antra passata :

Zi'Ghuvan Ghjilormu aia presu inn'afittu, in Tavaria, a prupiità d'u Sgiò X di Sarté.
A travaddaia incù un paghju di boia cumprati à a fiera di San Damianu.

Li piacciani, à u patronu, i boia, è trè volti aia dumandatu à cumpralli à Zi'Ghjuvan Ghjilormu.
A quarta volta dumandò :

- I mi vendi i to boia O Ghjilò ?
- Innò, O Sgiò X, i me boia, sò i portapenna di i me fiddoli !