Il y a trois Amériques

Quali s'inveni di u tintu di Ghjuliu, u nosciu anzianu Merru, chì s'occupaia ancu di a posta?
Una volta, eramu in u 1973, m'eru affaccatu in posta à mandà una carta pustali à una currispundenti ch'e t'aiu in issi Americhi.
Piddu è li chergu :
- Vurriu una franchizia pà a America, o zì Ghjù.
- Chì America, o Francè? A sà chì l'Americhi, ci sò parechji, ùn hè?
- Comu, parichji, o zì Ghjù?
- E bè, ni cunnoscu ommancu trè, c'hè l'America di u suddu, cù l'Argentina, è u Venezola. Culà ci sò mondi Corsi. Dopu ci hè l'America cintrali cù u Messicu è tutti quiddi isuli, è supratuttu ci hè l'America di u nordu, hè u paesi di Marsciallu è di Rusuveltu. Aiò! In iscola chì hà imparatu, tù? E dopu, ci hè a Lasca, chì hè un'antra America duva ùn c'hè chè cotru è pinguini. Allora sta carta pustali, induva voli invià la?
- A i Stati Uniti, o sgiò Mè.
- Aspetta, fighjolgu u prezzu di a franchizia... Ah ah! Mi pari chì u prezzu hè listessu. Centu franchi è mezu.
- A ringrazià vi, o zì Ghjù, ma ùn ci vulia à fà mi tanti discorsa, è pò, u pianu Marsciallu era un'antra epica.
- Va, va, in iscola, ùn ampareti più nudda.

Mon Cher François,

Bien heureux de te voir sur le forum !
L'anecdote que tu nous relates ici aura le mérite de rappeler à nos mémoires, U tintu Julot, dont nous nous souvenons tous la gentillesse et la droiture.
Sois remercié de nous en avoir fait part.